Periutsit qanganisaanerusut nutaaliaanerusullu atorlugit angallataativut aalisariaaseqarput.

Royal Greenlandimi namminerisatsinnik Kalaallit Nunaanni aalisariutinik angallataateqarpugut, aalisakkanik qalerualinnillu pitsaalluinnartunik issittup imaaneersunik pilersuisunik. Angallataativut qanganisaanerusumik kalaallit aalisartarnerattut aamma atortorissaarutit nutaaliaanerpaat inerisarneqarluarsimasullu atorlugit aalisartarput.

Kilisaataativut

Kilisaataativut suliffissuartaqarput, pisanik qaloorinermiit kinguppannik, saarullinnik, qaleralinnik saarullillu ilaannik kullerinik sejenillu tunisassiornermik suliaqarsinnaasunik. Kinguppaat kilisaatini uutiterneqarlutillu qerititerneqartarput. Aalisakkat tisaneqarlutillu qeriterneqartarput, pitsaassutsimikkut pitsaalluinnartumik tuneriaannanngorlugit suliarineqarlutik imaluunniit nunami suliareqqitassanngorlugit. Kilisaataativut Kalaallit Nunaata sineriaata avataani imaluunnit Barentshavimi aalisartarput.

Angallatit mikinerusut

Kilisaatit angisuut saniatigut angallatit mikinerusut arlaqartut Kalaallit Nunaata kitaata sineriaata qanittuani pilersuisoraavut. Angallatit mikinerusut ullualuinnarni angalasarput, nunamilu suliffissuatsinnut tunisassiassanik nutaarluinnarnik, soorlu kinguppannik qaleralinnillu pilersuillutik.

Suleqatigisat aalisartullu allanut pituttorsimanngitsut

Namminerisatsinnik aalisarnitsinnut tapertaliullugu sumiiffinni aalisariutaatilinnik aamma aalisartunik pituttorsimanngitsunik suleqateqarpugut. Ukiuunerani imaq sikugaangat aalisartut ilaasa qimussitik atorlugit pisaminnik suliffissuatsinnut pilersuisarput.

 
 

Royal Greenland aperiguk

i
Write the text from the image