Royal Greenlandip kilisaataatai tassaapput imaani suliffissuit, atortulersorneqarsimasut aalisarnissaminnut aammalu rejenik aalisakkanillu nioqqutissiornissaminnut. Rejet qaleruallit uunneqartarput kinguninngua qeritinneqartarlutik. Aalisakkat nerpiiarneqartarput, taakku qeritinneqartarlutik salinneqartarlutilluunniit nunami suliffissuarni nioqqutissiassanngorlugit. Kilisaatit nunatta eqqaani Barentshavemilu aalisartarput.

Royal Greenlandip kilisaataatai tamarmik pisortanit akuerisaapput immami sikulimmi aalisarsinnaanermut, tassalu issittup imartaani sikulimmi angalasinnaatitaapput.

Rejerniutit

Kilisaatit Akamalik aamma Qaqqatsiaq tamakkiisumik Royal Greenlandimit pigineqarput. Nataarnaq Ice Trawl Greenland A/S-mit Royal Greenlandimit piginneqataaffigineqartumit pigineqarpoq. Kilisaatit tamarmik rejerniarlutik makku nioqqutissiarisarpaat:

  • Rejet qaleruallit uutat, ilaatigut Sverige-mut tunisassat 
  • Rejet ooqanngitsut Japanrejer
  • Europap kujataani tunisassat qaleruallit oqaanngitsut Italien rejer
  • Rejet nunami suliffissuarni nioqqutissiassat

74 meterisut takitigisoq Akamalik motoreqarpoq 7000 hk-tut sakkortutigisumik. 4 meterinik naannerulaaqQaqqatsiaq, motoreqarpoq 7500 hk-tut sakkortutigisumik. Taakku 2001-meersuupput, ulloq unnuarlu ukioq kaajallallugu aalisarlutik, angalanermi ataatsimi 25-t missaannik inuttaqartarlutii.  Rejerniutit tamarmik marlunnik qalorsuaqarlutik aalisartarput. Qalorsuit tamarmik ima sanaajupput aalisakkat anillassinnaallutik. Kilisaatit tamarmik nunatta kitaa avannaanilu aalisartarput, tamaaniippummi rejet pitsaanerpaat. Kilisaatip angalanerani inuttat holdinut marlunnut avittarput paarlakaajaallutik sulisartunik. Holdi ataaseq marlunnut aveqqittarpoq, arlaat qaavaniittut arlaat fabrikkimiillutik. Qaavaniittut ningitsereeraangamik kingorna qalorsuit qaqinneqartarput rejenik aappaluartunik ulikkaarlutik. Rejet naammatsikkaangata qaavaniittut fabrikkimut ikiuukkiartortarput, tassani immikkoortiterineq, poortuineq, uutiterineq, qerititerinerlu pisarlutik. Tassalu tamanna pisarpoq nalunaaquttap akunnerisa pingasut ingerlanerinnaanni. 

Taama sukkatigisumik nioqqutissiarineqarnerisigut rejep qanoq issusaa, mamassusaa nutaajuneralu allanngutsaalineqartarput. Taannarpiaavorlu Royal Greenlandip nunatsinni rejertaanut ilisarnaat - reje pitsaanerpaaq.

Aalisariut

Sisimiut tamakkiisumik Royal Greenlandimit pigineqarpoq. Kilisaat 1992-mi Norgemi sananeqarpoq, 66 meterisut takitigaluni, 14 meterisut silitsigaluni maskineqarlunilu 3.000 kw. Angalanermi ataatsimi inuttat 24-34-usarput apeqqutaalluni aalisarnissamut nioqqutissiornissamullu pissutsit qanoq innersut. 
Ukiup qaammataani siullerni sisamani Sisimiut Barentshavemi aalisartarpoq, pisassat Norgep Ruslandillu isumaqatiginninniarnerisigut angusarineqartut aalisarlugit. Pisassat taakkuugajupput saarulliit, kullerit sej-illu. Ukiup sinnerani nunatta eqqaani aalisartarpoq annerusumik qalerallit aalisarlugit. Killeqaraluartumik aamma aalisarneqartarput saarulliit suluppaakkallu. Sisimiut -ni nioqqutissiarineqarput “frozen at sea products” pitsaassutsimut Royal Greenlandip piumasaqaatai, HACCP-imi malitassat umiarsuullu nammineq nakkutiginninnera najoqqutaralugit suliat pitsassuit. Inuttat pikkorissut misilittagaqarluartullu qulakkeertarpaat nioqqutissiassat pisisartut piumasaannut naapertuuttumik nioqqutissiarineqartarnerat.  Barentshavemi nioqqutissiarineqartarput saarulliit, kullerit aamma sej-it amillit ameqanngitsullu, kiisalu PBI aamma PBO europamut tunisassat. Nunatsinni nioqqutissiarineqartarput qalerallit ilivitsuutillugit, paperuerlugit/nioaquerlugit aammalu niaqui Kangiani niuerfinnut tunisassat aammalu niaquikkat/paperuikkat nunatsinni fabrikkini nioqqutissiassat.

Sinerissamut qanittumi aalisarneq

Nunatsinni fabrikkinut tulaassuisut 800-t missaanniipput, taakkulu tulaassugaat tassaapput rejet sikulersukkat, qalerallit aamma saarulliit. Tulaassuisut taakku ullut ikittuinnaat atorlugit aalisartarput. Royal Greenlandip KNAPK-llu akunnerminni tunisineq pillugu isumaqatigiissutaat naapertorlugit pisat suliarineqartussaapput taamaasilluni pisat pitsaassusaat allanngutsaaliorniarneqarluni. 

 
 

Royal Greenland aperiguk

i
Write the text from the image