Royal Greenland inuiaqatigiinnut suliffeqarfimmullu iluaqutaasumik Royal Greenlandip Corporate Social Responsibility (CSR) tunngavigalugu sulinikkut suliffeqarfiup nammineq kajumissutsini aallaavigalugu inuiaqatigiinnut akisussaassuseqarluni sulineq suliffeqarfimmi ingerlakkusuppaa.

Royal Greenlandip inuiaqatigiinnut akisussaassuseqarluni sulinermut politikkia nunarsuarmi immikkoortortaqarfiini tamani atuuppoq, matumanili Kalaallit Nunaanni aalisarneq tunisassiallu amerlamerit tunisassiarineqartarmata annermik atuunnissaa pingaartinneqarluni. Suliffeqarfik Namminersorlutik Oqartussanit pigineqarpoq Kalaallit Nunaannilu suliffeqarfinni annersaalluni, tamannalu pissutigalugu inuiaqatigiit soqutigisaat niuernermillu ingerlatsineq kattullugit sulineq ingerlanneqarluni.

Royal Greenlandip CSR tunngavigalugu sulineranut makkua kajumissisitsisuupput:

  • Nungusaataanngitsumik aalisartoqarnissaanik qulakkeerinninneq
  • Sulisut akornanni suliamik nuannarinnilertsitsineq aalajaatsuusitsinerlu
  • Sulisunut pitsaanerpaanut pilerisaarineq
  • Suliffeqarfiup suliaanut Kalaallit Nunaannilu inuiaqatigiinnut peqataaneranut atatillugu ataqqinnilersitsineq
  • Pisisartut suleqatillu piumasaqaataannik isumalluutaannillu naapertuineq

Royal Greenlandip CSR politikkia Naalagaaffiit Peqatigiit Global Compactsiani akisussaassuseqarluni suliffeqarfimmik ingerlatsineq pillugu tunngaviusunit quliusunit ilaatigullu ISO26000-imi malittarisassat inuiaqatigiinnut akisussaassuseqarnermut tunngasunit aallaaveqarpoq. Nunani niuernermik ingerlataqarfitsinni inatsisinik malittarisassanik qaqugukkulluunniit naapertuinissarput tunngavigaarput, kiisalu nunani tamalaani tunngavinnik akisussaassuseqarluni suliffeqarfimmik ingerlatsinermut tunngasunik malittarinninnissaq ujartorlutigu.

CSR-imi tunngaviit pingaarnerit aallaavigalugit aalisarnermiit pisanik tunisinermut naleqalersitsineq tunngavigivavut. Tunngaviillu pineqartut ataatsimoortillugit pingaarnertut aallaavigineqarput, tamarmillu immikkut suliffeqarfimmut inuiaqatigiinnullu iluautaasumik naleqalersitsisuullutik.

Tunngaviit pingaarnerit sallitikkumallugit susassaqatigiit piumasaqaataat isumalluutaallu tunngavigalugit kiisalu suliffeqarfiup iliuusissatut pilersaarutaa pingaartillugu Royal Greenland suliassaqarfinnik toqqaanissaminut misissuineqgissaarinikuuvoq.

 
 

Royal Greenland aperiguk

i
Write the text from the image