Royal Greenlandimi suleqateqariaatsimik ineriartortitsivugut inuiaqatigiit ineriartorneranni siuuttutut inissisimalernissaq siunertaralugu, pingaartumik suliatsinnut tunngasunut attuumassutilinni.

Kalaallit Nunaanni suliffissuaqarnikkut annersaavugut, taamaammallu piunerput iluatsittumillu ingerlanissarput inuiaqatigiinni pingaaruteqarluinnarpoq. Taamaattumillu suliffissuaqarnikkut aningaasarsiorneq inuiaqatigiinni kalaallini siuuttuulluta inissisimaffigaarput.

Branding Greenland-imik suliallit

Kalaallit Nunaanni suliffiutillit annersaasa ilaat peqatigalugit Royal Greenlandi inuussutissarsiorneq pillugu suleqatigiissitamik pilersitseqataavoq, Kalaallit Nunaanni inuussutissarsiornikkut avammullu tuniniaanikkut periarfissanik ineriartortitsinermik suliaqarluni aallutaqartussamik.

Suleqatigiissitami siunertarineqarpoq:

  • Kalaallit Nunaata nunarsuarmioqatigiinni ersarinnerulersinneqarnissaa.
  • Ilisimanik avitseqatigiinnissaq, kalaallillu mikinerusunik suliffeqarfiutillit siunnersorneqarnissamik neqeroorfigineqarnissaat.

Suleqatigiissitami Branding Greenlandimi ilaasortat tassaapput suliffeqarfiit soorlu silaannakkut angallannermik, takornarialerinermik, aalisarnermik, kulturimik, naalakkersuinermik allanillu suliallit. Suleqatigiissitaq 2005-imi aallartippoq.

CSR Greenland

Taamatuttaaq Kalaallit Nunaanni suliffeqarfiit anginerit, corporate social responsibility-mik (CSR), tassalu inuiaqatigiinni ineriartornermi akisussaaqataanermik suliaqarnermik taaneqarsinnaasumik aallutaqartut suleqatiginerat, tamatumuunakkut suliffissuaqarnikkut inuiaqatigiinni ingerlatsinitsinnik toqqammavileeqataasut. Suliat pingaarnerpaat ilagaat:

  • Suliffeqarfiit piumassutsiminnik suliniutaasa ataqatigiissarnissaat
  • Kalaallit Nunaanni suliffeqarfiit CSR-imik ingerlatsiniarneranni piginnaanngorsarneqarnissaat, pikkorissartitsinikkut, aaqqissuussinikkut aammalu takoqqusaarinikkut
  • Ilisimalersimasanik avitseqatigiiffissamik oqallittarfiliornissaq
  • Nunat tamalaat akornanni CSR-imik suleqatigiiffiit pingaarutillit akornanni attaveqaatigut inissisimaneq
  • CSR pillugu oqallinnerit sammisallu maluginiarneqarnissaannik sulissugtiginninneq

CSR Greenland pillugu annertunerusumik uani takusaqarsinnaavutit !

 
 

Royal Greenland aperiguk

i
Write the text from the image