Suleqatigiinnissamik isumaqatigiissusiaq Royal Greenlandimit Meeqqallu pisinnaatitaaffii pillugit sullissivimmit MIO-mit februaari 2014-imi atsiorneqarpoq. Isumaqatigiissusiorneq Royal Greenlandip Kalaallit Nunaanni sulisuisa 900-usut ilaqutaasalu meeqqat pisinnaatitaaffii pillugit ilisimasaqarnerulernissaannut pivusunngortinneqarnissaannullu periusissanik ilinniarnissaannut qulakkeerinnittooqataassaaq.

Suleqatigiinnissamik isumaqatigiissut naapertorlugu Royal Grrenland Academymi inuttut ineriartorneq pillugu pikkorissartitsinerni meeqqat pisinnaatitaaffii ilinniartitsissutigineqartassapput. Meeqqat Illersuisuata Aaja Chemnitz Larsenip suleqatigiinneq nuannaarutigaa imalu oqarpoq:

- Royal Greenlandimik suleqateqalernitsigut innuttaasut amerlanerpaartaat meeqqat pisinnaatitaaffii pillugit ilisimasaqarnerulissapput. Suliffeqarfiit inuiaqatigiinni akisussaaffeqarlutik inuiaqatigiinnut minnerunngitsumillu meeqqanut suliffeqarfiillu sulisuinut iluaqutaasumik suliniutinik ingerlatsisartut suleqatigiinnerup matuma takutippaa.

- Meeqqat pisinnaatitaaffii pillugit paasissutissat siammarternerusariaqarivut paasivara. Suleqatigiinnitsinni angajoqqaatut akisussaaffeqarnerup nukittorsarneqarnissaa soorunami ukkatarissavarput, nukittorsaanerpulli tamanit iluarisimaarneqartussanngorlugu ingerlatissavarput. Angajoqqaarpassuit qitornamik toqqissisimasumik peroriartornissaat anguniarlugu pisinnaasartik tamaat perorsaasut qularinngilluinnarpara.

Suleqatigiinnissamik isumaqatigiissut ukiuni marlunni atuutissaaq, MIO-llu Royal Greenlandimi sulisut peqatigalugit meeqqat pisinnaatitaaffii pillugit sineriammi eqqartueqarteqarnissaanut periarfissiivoq.

 
 

Royal Greenland aperiguk

i
Write the text from the image