Royal Greenlandip tapiisarnermut maleruagassiaata marloqiusaasup atuarneq ilinniartitaanerlu aammalu timersorneq tapiissuteqarfigisassavai.

Tapiisarnermut maleruagassiap:

  • Naalakkersuisut Nunap immikkoortuisa ineriartortinnissaannut pilersaarutaanni meeqqat inuusuttullu atuarnerannik ilinniarnerannillu nukittorsaanissaannut tunngasoq tapersersusavaa
  • Inuiaqatigiinni timersornerit tamakkiisumik tapersersussavai

Atuarneq ilinniartitaanerlu pillugit suliniutit

Royal Greenland meeqqat atuarfianni atuartut inuusuttullu ilinnigaqartut ilinniagaqarnernut, pikkorissarnernut il.il. atugassaannik tapiissuteqartassaaq.

Suliniutit atuaqatigiiaat, eqimattat qinnuteqartullu ataasiakkaat atuartitsissutini qallunaatut, tulluttut, matematikimi aamma pinngortitalerinermi pikkorissarnissanik siunertallit kiisalu piginnaanngorsarluni pikkorissarnissat ataasiakkaat tapiiffigineqartassapput makkuusinnaallutillu:

  • Oqaatsitigut pikkorissarnerit ilinniartitsissutinilu qulaani taaneqartuni pikkorinnerulernissaq anguniarlugu pikkorissarnerit allat
  • AFS-erniartut, efterskolerniartut aamma højskolerniartut
  • Inuusuttut ilinniagallit suliffissarsiortullu ilinniagaqalernissartik siunertaralugu atuartitsissutini qulaani taaneqartuni karakteriminnik pitsanngorsaarusuttut
  • Atuaqatigiiaanut eqimattanullu ilinniartitsissutini qulaani taaneqartuni piginnaasaqarnerulernissaat siunertaralugu pikkorissaanerit.

Kikkut qinnuteqarsinnaappat?

  • Meeqqat atuarfianni atuartut inuusuttullu ilinniagallit
  • Sivikinnerusumik sivisunerusumillu suliffeqarsimanngitsut Kalaallit Nunaanni najugallit
  • Ilinniartunik siunnersuisartut, ilinniartitsisut, siunnersorti il.il.

Pikkorissarnissami pineqartumi peqataanissamut akueritissimanermik, angajoqqaat namminerluunniit ukiumut isertitaannik uppernarsaat aningaasartuutissanillu missingersuusiaq imaluunniit iliuuseriniakkatut nassuiaat aningaasartuutissanillu missingersuusiaq qinnuteqaasiornermi ilanngunneqassapput.

Atuaqatigiiaat ataatsimoorlutik angalanissaat tapiiffigineqarsinnaanngillat.

Tapiissutit qaqugukkut tapiissutigineqartassappat?

Tapiissutit ataasiarluni imaluunniit qaammatikkaamik kvartalikkaamilluunniit tapiissutigineqarsinnaasut iliuuseriniakkap aallartinnginnerani naammassereerneraniluunniit tapiissutigineqartassapput.

Nunani allani sivisunerusumik najugaqarnissami tapiissutit tapiissutigineqarnissaanni piumasaqaataavoq qinnuteqartup tapiissutinik siunertamut atuisimaneranik uppernarsaammik tunniussaqarnera. Pikkorissarneq, efterskolerneq il.il. pillugit quppernernik ikinnerpaamik marlunnik allaaserinninneq uppernarsaatitut atorneqarsinnaapput. Uppernarsaatinik naammaginartunik tunniussaqarsimanngikkaanni tapiissutigineqartut uterteqquneqarsinnaapput.

Timersortartunut tapiissuteqartarnerit

Tapiissuteqaatit tapiissutigineqartassapput:

  • Inuiaqatigiinni timersornermik aallussaqarnerit Kalaallit Nunaanni Timersoqatigiit Kattuffiannik aamma Arctic Circle Racemik ukiumoortumik isumaqatigiissusiornikkut
  • Timersortartunut Elite Sport Greenlandimit piukkunnaatilittut toqqakkanut

Timersortartunut piukkunnaatilinnut tapiissuteqarnissami piumasaqaataavoq aallunniakkamik allaaserisaqarneq aningaasatigullu missingersuusiorneq. Timersortartunut piukkunnaatilinnut tapiissutit aallunniakkap aallartinnginnerani ingerlanneranilu aammalu tassunga atatillugu nalunaarusiornissamik isumaqatigiissuteqarnikkut tapiissutigineqarsinnaapput.

Qinnuteqarneq

Tapiisarnermut ataatsimiititaliap qinnuteqaatit nalilersorlugillu tapiissutinik agguaasarpoq.

Tapiiffigineqarnissamik qinnuteqaatit ukununnga nassiunneqarsinnaapput:

Royal Greenland A/S, Qasapi 4, Postbox 1073, 3900 Nuuk, royalgreenland@royalgreenland.com

Royal Greenland aperiguk

i
Write the text from the image