Sungiusarnera maanna ingerlalluarpoq. Unamminerit pikkunartut peqataaffigereerlugit angerlamut apissikkama qasusupilussuuvunga.

Taamaattorli sapaatip akunnerata ingerlanerani sungiusarnera ingerlalluarpoq. Soorunami sisorarlunga sungiusarnerusarpunga, sapaatilli akunnerani uani piukkunnarsarlunga illup iluani arpaammi arpattarnissara pingaaruteqarpoq. Arpaat "qummukajaartussanngortillugu" sakkortussusaa 11 %-imut pisittarpara sakkortuumillu kiiarlunga arpattarlunga.

Sungiusariaaseq taama ittoq atorlugu tillernima qaffasinnerpaaffissani angungajattaraa misigisarpara, periaaserlu taanna imminut ilungersortittutut misiginissannut pitsaanerpaajusarpoq. Soorlu aasakkut kiiarlunga Ukusissap Quassussuullu qummukajaavini arpakkaangama aamma taama misigisartunga.

Kisianni weekendimi meriaqattaarlungalu naarluppunga, maannali ajunngilanga. Weekendimi napparsimanera pissutigalugu NSP cupertitsimmat unammeqataanngilanga. Sapaatip ualinerani sisorarfinni sukkalisaarlunga sisorarlunga nuannarisuugakku unammeqataannginnera uggoraara.