Sapaatip akunneri pingasut sungiusarneq ingerlateerlugu, tamanna ilusinikkiartorpoq. Assakaasulinnik sisoraatinik ingerlaarnerit aamma qaqqami arpattarnerit amerlasuut. Sapaatip akunnerisa naaneri kingullerni marlunni qaqqami nal. akunnerini sisamani arpattarpunga. Sapinngisamik qaqqat inngiinut amerlasuunut apuunniartarpunga. Tamanna nukittornartorujussuuvoq, qasujaallinarluni aamma tarnikkut nukittornarluni qaqqap inngianiit qaqqap inngianut arpassinnaalluni.

Sungiusartarneq maannakkut timinni malunniuttalerpoq. Malugisinnaavara nukissaaleqisarlunga aamma sungiusarusussuseqarnera siornarnit annikinnerulertoq. Taamaattumik maannakkut pingaarpoq eqqissiiminerunissara timeralu pisinnaalerseqqissallugu. Ulluni sisamani eqqissisimaartariaqassagunarpunga, sakkortuumik sungiusaqqittalernissama nanginnissaata tungaanut.

Novembarimi aammattaaq septembarimut oktobarimullu sanilliullugu ulluni amerlanerusuni eqqissisimaartalissaanga. Unammisaqattaarnerit aarlartilerneranni kissaatiginngilara timima artugaata killissaata tikinnissaa. Sakkortuumik suli sungiusartuartassaanga, neriunarporlu timinni tamanna pitsaalluinnartumik misigissagiga.

Maannakkut nuannerpoq misigalugu timima atorneqarluarsimasutut misiginera ilerasuuteqannguarnangalu ulluni arlalinni eqqissisimaarnissara!

Asseq