12. oktobari 2012

Sila nillertippoq ukiornissaanullu qanilliartorpoq. Amerlanerit ukiornera nillertutut taartartutullu isigisarpaat piaartumik qaangiutipallakkusutsittarlugu, immaqami aamma tamanna paasinarpoq. Uannut taartarnera soorunami aamma orniginartinngivippara, kisianni ukiup taamaalinera pissanganartorujussuuvoq.

Ukiumut pilersaarusiornera naammassingajalerpoq. Europamut billetsit inniminnereerput aamma sisoraatissakka nutaat Sverigemi immikkut ilusilersukkat tikiuteqqammerput. Sungiusarnera sisorarluni ujakkaartarnermut sammisuuvoq. Iluatsitsivunga Nuummi aqqusernit suli imatut quaasartigilinngimmata, imaallaat sisoraatit assakaasullit atorlugit suli sungiusartarpunga.

Sungiusartarpunga sungiusartarnissannut pilersaarut siornatigut uannut angusaqarfiunerpaasartoq aallaavigalugu. Sakkortuumik sungiusartarnermik ilisimatusarneq aallaavigalugu pilersaarusiaavoq. Piffissami sivikitsumi sakkortuumik sungiusartarnerup takutissimavaa qasujaallisarneq siuariarujussuartartoq sakkukitsumik sungiusarnermut sanilliullugu.

Tamanna pillugu annikitsumik nassuiaassisumut allaaserisamut aajuna linki:

http://www.dn.no/dnaktiv/article1972036.ece . Isertuutissanngilara aammattaaq sivisunerusumik sungiusarneq ingerlattarakku piffissaqaleraangama.

Sisoraatinik ujakkaarneq siulleq decembarimi Østrigimi pissaaq. Nuannerpoq qanilliartortumik anguniagaqarneq. Kajumikkaluttuinnarpunga sungiusarnissaralu pilerigisarlugu aamma ajunngitsumik iliuuseqarniartarlunga. Taava ingerlaannaq silap pueqqortinnera taarsisarneralu soqutigiunnaartarpakka. :-)

Inuulluarisi,
Martin

Asseq