Ullut ujakkaarfigisassakka Seefeldimi Østrigimiittumi aallartipput. Ulloq siulleq 10 km-imik isorartutigisumik qangatoorlunga ujakkaarpunga ullullu aappassaani 10 km-imik isorartutigisumik teknikkimik aalajangersimasumik atuinanga ujakkaarlunga.

Ujakkaarluarpunga, VM-imullu angunnissamut piumasaqaataasut iluatsippakka ullunilu taakkunani marlunni angusakka angusarisarsimasannit annertuumik nikingassuteqarlutik.

Qangatoorlunga ujakkaartarnera pitsaanerulersimavoq, qangatoorlutami ujakkaarnitsinni aatsaat taama angusaqarluartigaanga. Matumani unammeqataasut 120-usut akornanni normu 40-nngorpunga. Ujakkaartartut europami nunat ujakkaallammaatilinneersut katersuuffianni akuulluni nuanneqaaq.

Unamminerit aallartinneranni killiffissara pillugu pissanngasimavunga. Tassami sapaatip-akunnerata missaannaani ujakkaarsinnaasimavunga, kisiannili aamma ujakkaartitsineq portusuuni ingerlanneqarluni. Ujakkaarfigisaq portusiartortillugu silaannaq annikilliartortarpoq, taamaasillunilu tillerulunnarsisarlunilu sukkanerusumik anersaartornarsisarpoq.

Taamaattorli ingerlalluarpunga, portussuserlu sungiulluarneruleriarukku unamminerni tulliuttuni ingerlalluaqqeriaannarnissara ilimagaara.

Inuulluaqqusillunga Martin

Asseq