Nunatsinni pissartanngorniunneq naammassilluarpoq. Iligiiaarluni ujakkaarnermi kuultit pingasut sølverlu ataaseq pissarsiaraagut. Nunatsinni pissartanngorniunnitsinni timigissillunga misigaanga, nuakkunnaarpungalu.

Ullumi Sisimiuliassaanga Arctic Circle Race-mut peqataajartorlunga. Ullut kingulliit qasuersaarfigaakka ullunilu pingasuni ujakkaarnissannut pisariaqartikkumaakkakka poortuullugit. Unammineq taanna qularutissaanngitsumik nunarsuatsinni sisorarluni unamminerit ilungersunarnersaraat. Pitsaanerpaamik angusaqarnissaq eqqarsaatigalugu pisariaqartitanik sorpianik nassarnissamut eqqarsarluartariaqarpoq.

Ukioq manna ACR-eqarnissaanut immikkut illuinnartumik sisorarninni atisassannik mersortitsivunga. Atisassama saavat anorimik pitarneqarsinnaanngitsumik tunualu annoraaminermik saattuaqqamik taamalu kiammik aniatitsisinnaasumik aammali assortilluni qiianaveersaatitalimmik mersugaavoq.

Ukioq kingullertulli ajugaanissara neriuutigaara.