VM-ereernitta kingorna ullut eqqissisimaarfigaakka. Taamanikkumiillu manna tikillugu piffissap ilaani soorunami napparsimalaarpunga.

Uippakajaareernerup kingorna qasuersaalersimariaraanni nappalaarneq nalinginnaasuummat napparsimanissara ilimagereersimasariaqaraluarpara.

Napparsimajunnaarniaraannili pitsaanerpaavoq sungiusartarnerup ingerlatiinnarnissaa peqqissuunerullu upperinissaa.

Arctic Circle Racetoqarnissaanut sungiusaleruttorpunga. Matumanilu takisuumik arpallunga siungiusartarnissara pingaaruteqarpoq, tamannalu VM-imut peqataanissannut sungiusarnernit allaanerulaarpoq.

Arctic Circle Racemi arpaffissaq Sisimiuniittoq 160 km-inik isorartussuseqarpoq. Arpaffissaq qummukajaanik ammukajaanillu takisuunik qattunerpassuaqarpoq.

Nuup sisorarfiata sangusaartarfiani maanna sungiusakulasarpunga. Sangusaartarfiup inngianut sisorarlunga qummukajaakkut ingerlasarpunga apuutereeraangamalu sukkanissara tamaat atorlugu ammut sisusarlunga – tassa ujakkaarutit atorlugit sangusaartartutut sungiusartarpunga.

Weekendini sungiusarluartarpunga sapinngisamillu akunnerit pingasut missaat atorlugit sakkortuumik sungiusarnera ingerlanniartarlugu.

Piukkunnarneq kisiat iluaqutaaneq ajormat sakkortuumik sungiusarnissaq pisariaqarpoq. Ulluni pingasuni ullut tamaasa akunnerni pingasuni-sisamani unammeqataaneq anigorniaraanni timi maattusarluartariaqarpoq.

Inuulluaqqusillunga Martin