Østrigimi ulluni 17-ini sungiusareerlunga Nuummut angerlarpunga ullunilu qulingiluani Nuummeeriarlunga sungiusariartoqqillunga aallarpunga. Muonio Finland Avannarlermiittoq sisorarluni sungiusarfissaqqissuuvoq, nunanullu allanut unammiartortartut Finlandimeersut, Ruslandimeersut, Ukrainemeersut, Tjekkiameersut il.il. maaneeqatigaavut.

Sisorarfiusinnaasut pitsassuupput, taamaattumik sungiusarluartarpugut. Hotelili sumiiffimmik sisoraatinik pujassaaviusinnaasumik neqerooruteqarsinnaanngimmat pujassaavissaqanngilagut. Sisoraatit nutaat aatsaat pujassaqattaareeraanni pujallisarput. Taamaattumik ajornartorsiuteqalaarpunga, tassami unammeqqaarnissatsinnut sisoraaterpaaluit pujassarlugit piareersartussaavakka. Ernumananngilarli, ajornartorsiummi ulluni qaninnerni iluarsiissutissarsigunnarsissavarput.

Inuulluaqqusillunga Martin

Asseq