GM-imi peqataanera aallartilluarpoq. Ippassaq qangatoorluta arpakkatta ajugaavunga.

Sapaatit akunneri kingulliit marluk artornalaarput. Nuallungaatsiarpunga ullunilu qulini kingullerni nalaannangajavillunga. GM-ernissatsinnut Arctic Circle Racemullu peqataanissannut piareersarlunga sungiusarusussuseqartigalunga nuallunnera akornusiimmat uuminaqaaq.

Suli tamakkiisumik peqqissinngilanga, nuallunnerali puigorlugu arpaqataanissara aalajangiussimavara. Ulloq naallugu aallussisorujussuuvunga sukkasuumillu arpannissara kisiat eqqarsaatigalugu. Ajugaaniutivinnitsinni ingerlalluartorujussuuvunga unammillertikkalu tassanngaannartumik qaangingaatsiarlugit. Nuallukkaluarluni misigaluni sukkasuumik arpalluni unammeqataasinnaalluni nuanneqaaq.

Pingasunngorpat tulliani unammissaagut, matumani ataasiakkaarluta aallartassaagut 7,6 km-illu arpallugit sukkaniutissalluta. Piukkunnassuseqaleqqippunga, unammeqqinnissatsinullu qilanaarpunga :-)


Asseq