Tour de Ski naammassilluarpoq sungiusariartorlungalu Nuummut utereerpunga. Sisorartartut silarsuaanni Champions Leaguemik Tour de Francemilluunniit taaneqartartumi Tour de Skimi peqataanera naammagisimaartorujussuuara. Tysklandimi, Schweizimi Italiamilu ullut qulingiluat iluanni unamminerit arfineq-marluk ingerlanneqarput.

Unammeriaatsini taariikkanni sukuutserlunga ujakkaaraangama angusaqarluarnerusarpunga. OL-imut peqataanissamut anngunniunnermut atatillugu unammineq siulleq angusaqarfigilluarpara, kisiannili naammanngitsumik. OL-imut peqataanissamut anngunniunnermi ajugaasup kingorna apuunniarnerup sivisussusaa procentinngorlugu minnerpaamik 12,5 %-iussasoq piumasaqaataavoq, uangali angusara 13,7%-iuvoq ungasissuserlu atorlugu naatsorsoraanni 6 sekundiulluni.

Tamanna maanna annerusumik iliuuseqarfigineqarsinnaanngilaq. Sungiusarluarneruinnartariaqassaanga unammersuarnissallu tullissaa sioqqullugu sunnguit tamaasa pitsaanerusumik ingerlattariaqassallugit. Sorpassuit pitsanngorsarneqartuarsinnaapput; sungiusarneq, sisoraatit, eqqarsartaaseq unamminissallu tullissaanut pitsaanerusumik pilersaarusiortoqarsinnaalluni.

Ataatsimut isigalugu angalaneq nuannersorujussuuvoq, kisiannili OL-imut peqataanissamut anngunniunniarnissamut anngutinngitsoornera soorunami uggornalaarpoq. Tamannali qaammatip tullissaani februaarip 20-ani aallartittussami VM-imut peqataanissannut suli annerusumik piumassuseqalersitsillunilu sungiusarusulersitsivoq.

Inuulluaqqusillunga Martin