Italiamiit angerlareerpunga. Unammeqataanera ataatsimut isigalugu ingerlalluarpoq. OL-imut peqataasinnaanissamut piumasaqaataasoq 12,5 % World Cupimi ajugaareernima kingorna ataappara. Ataasiaannarlungali ataannikuugakku ataanniarsareqqittariaqarsimavara. Marloriarlunga ataannissaa neriuutigisimavara, tamannali angunissaanut periarfissanik allanik takkuttoqarumaarpoq.

Periarfissalli tullia aatsaat decembarimi pissaaq. Taamaattumik ukiup ingerlanerani sungiusarluaannartariaqassaanga.

GM-ernissannut Arctic Circle Racemilu peqataanissannut maanna sungiusaleruttorpunga. ACR-imi arpaqataanissannut kajumissuseqalersitsisupilussuuvoq, ACR-imilu arpaqataallunga nuannarisorujussuuara. Siorna arpaqataagama ajugaavunga, taamaattumik ukioq manna ajugaaqqinnissara neriuutigaara.

Tallimanngormat angerlamut apuuppunga ullunilu pingasuni kingullerni pikkunartumik sungiusarneqariikatappunga. Angerlaqqilluni Nunatsinnilu sungiusaqqilluni nuanneqaaq.

Inuulluaqqusillunga Martin