Maani Nuummi Cup-ertoqarmat unammeqataavunga, unamminermilu sisoraqataasut qassinilluunniit ukiullit katillugit 50–iupput. Sisorartartut nuannaartut taama amerlatigisut peqataasut takullugit nuanneqaaq.

Unammineq ilimagisattut ingerlavoq. Maani unammillerfigisassat amerlanngillat, taamaammat siuarsimangaatsiarlunga ajugaavunga. Ajugaanerali pingaarnerunngilaq. Unammeqataasutulli normuleriarlunga imminut ilungersortilaarlunga timiga hormonimik adrenalinimik taaneqartartumik pilersitsinissaa pingaarneruvoq, apuutereernermalu kingorna tamanna misigisarpara.

Nuummiinninni Cup-ertoqartillugu tamatigut peqataasarnissara naatsorsuutigaara, unammminerillu nal. 12.00 NSP-iip illuutaata eqqaaniit aallartittassapput arfininngornernilu aamma sapaatini ingerlanneqartassallutik. Unammeqataanissamut soqutiginnittut peqataanissaannut inissaqartitsiuaannarpugut.

Inuulluaqqusillunga Martin

Asseq