Arfininngornermi ujakkaarnera ingerlalluarpoq. Ujakkaarninni ingerlaarnera weekendi kingullermitulli ippoq, matumani 113 FIS-pointit World Cup-imut aamma VM-imut angunnissamut pointit piumasaqaataasut angugakkit. Ajugaasumit Italiameersumit Valerio Checchimit minutsinik pingasunik sekundinillu arfineq-marlunnik kigaannerullunga apuuppunga.

Unammineq Europamiut Cup-iannut sanilliunneqarsinnaavoq, matumani ulluni makkunani Canadami ingerlanneqartumi World Cup-imut peqataasussarpassuugaluit peqataanissaminnik kissaateqanngitsut aallartinnermi peqataammata. Taamaattumik tamanna pillugu angusara naammagisimaartorujussuuara.

Kalaalit Nunaata nunani allani unammisartuisa sinneri sapaatip-akunnerata tulliani Alpinut tikissapput. Tikereeriarpata sapaatit-akunnerit marlunni sivisussuseqartussamik ataatsimoorluta sungiusassaagut unamminernilu peqataasassalluta. Piukkuttutut misigisimavunga unamminissamullu tulliuttumut peqataanissannut erinisullunga.

Inuulluaqqusillunga

Martin

Asseq