Qangamita allakkama…

Ulluinnarni ulapputeqartarnera pissutigalugu allanneq ajorama utoqqatsissutigaara. Taamaakkaluartorli sungiusarnissannut piffissaqartarpunga. Sapaatip akunnerata ingerlanerani sungiusartarnera ima isikkoqakkajuppoq:

Ataasinngorneq: Nalinginnaasumik sukkalisaarlunga akunnerni marlunni ujakkaartarpunga ilaatigullu Nuup sisorartarfiani qummukajaatigut ingerlaartarlunga.

Marlunngorneq: NSP-ip sisorartartui peqatigalugit sungiusartarpunga. Kiiarlunga naatsukkuutaanik 8 x 1-2 minutsikkaarlugit arpattarpunga.

Pingasunngorneq: Ajaappiat atorlugit 20 km-it arpappakka. Kiara kisiat atorlugu ujakkaarfik kaajallattarpara kingornatigullu ajaappiaqarnanga sukuutserlunga sungiusartarlunga.

Sisamanngorneq: Ulloq sungiusanngiffik.

Tallimanngorneq: Arpaammi kiiaqattaarlunga arpattarpunga. Qummukajaarnerata sakkortussusaa 11 %-imut pisillugu sukkassusaalu 15 km/t-imut pisillugu 5x4 minutsikkaarlugit minutsini marlunni unillatsiartarlunga arpattarpunga kingornatigullu sisoraatiit qasujaallisaatit atorlugit 4x2 minutsikkaarlugit "ajaappiaqarlunga" sunigusartarlunga.

Arfininngorneq: Eqqissiivillunga arpattarpunga sukkasuumillu arpallunga naatsukkuutaarlugit sungiusartarlunga: 5 x 1 minutsikkaarlugit sukkalisaarlungalu arpallunga sungiusartarpunga.

Sapaat: NSP Cup-ernermi 15 km-it arpallugit unammeqataasarpunga.

Sapaatip akunnerata ulluini sungiusartarnikka sulereeraangama tamatigut unnukkut ingerlattarpakka. Ilaannikkut pikkunartarpoq, aallartikkaangamali iluarusuttaqaanga.

Inuulluaqusillunga Martin