Davosimi suna tamarmi ajunngitsumik ingerlavoq portusuumiinneralu sungiukkiartorlugu iluarinerulerpara. Sapaatip akunnerata ingerlanerani eqqissillunga sungiusartarpunga:

Ataasinngorneq: Akunneq ataaseq atorlugu eqqissillunga ujakkaarpunga (qasoqqasutut misigisimavunga).

Marlunngorneq: Akunneq ataaseq affarlu atorlugit eqqissillunga ujakkaarpunga (qasoqqasutut misigisimavunga).

Pingasunngorneq: Kissasserpunga kingornatigullu 6x2 minutsikkaarlugit kiiarlunga ujakkaarpunga (pitsanngorpunga, kisianni timiga eqapallattarpoq).

Sisamanngorneq: Kissasserpunga kingornatigullu unammeqataasuusaarlunga sukkasuumik 13 kilometerit arpappakka. (Sukkassusera ajunngilaq, sulili nissukka eqapallattarput. Ullunili pingasunit siullernit sanilliullugu pitsanngoriarneruvunga).

Tallimanngorneq: Ulloq qasuersaarfik/ kigaatsumik eqqissillunga ujakkaarpunga.

Ullut marluk qaangiuppata unammeqataaqqissaanga, matumani 15 kilometerit arpassallugit. Pissanganarlunilu nuannerunaqaaq.

Inuulluaqqusillunga Martin