Davosimi ulluni siullerni eqqissillunga sisorarpunga, qasuersaarpunga, imertorluarpunga nerilluarlungalu.

Portusuumiinnerali malugaara, matumani tamaviaallatsiarnerinnanni tillernera pissusissamisuunngitsumik tillerululertarami. Eqqissisimaarpungali, nalunngilaralu portusuumiitilluni ullup pingajussaa ilungersunarnerpaasartoq kingornalu oqinnerulertartoq.

Sumiiffigisap silaannartaa annikikkaangat timi sungiussiniarusaartarpoq, matumani siullermik qasoqqanarlunilu qasujanartarmat. Sapaatip akunnerali qaangiuteriaraangat soorlu tassa nunagisami pukkitsumi arpalluni. Qujanartumik aatsaat sapaatiuppaat unammeqataaqqissaanga, taamaattumik ulluni arlalialunni piukkunnarsarnissannut suli periarfissaqarpunga…

Ulluni siullerni qannertuarsinnarpoq, aqagulu seqinnissappat – neriuppungalumi seqinnissasoq – assiliiumaarpunga.

Inuulluaqqusillunga Martin