Qangatoorlunga sukkasuumik 1,5 kilometerit arpappakka, ilimageriikkattullu pikkunartupilussuuvoq. Taamaattorli unammeqataasut 126-usuni normu 73-inngorlunga apuuppunga, taamaasillungalu naammaginartumik angusaqarlunga. Arpariaaserli taanna immikkut sungiusarnikuunngilara, taamaattumillu angusarisaarnissannut ilimasussimanaga.

VM-ernitta nalaani sungiusarnera ingerlalluarpoq. Pingasunngorpat 15 kilometerit arpallugit unammeqataanissannut piareersimarusunnerullunga sapaatiummat iligiikkutaarluni sukkasuumik arpannermi peqataanngilanga. OL-imut anngunnissanut periarfissaqarnerussagama 15 kilometerit arpallugit unammeqataanissara pingaaruteqarpoq. Ujakkaarfipput qattunerpassuaqarami manngeqqamillu aputeqarmat pikkunarpasippoq. Arpannerup naanerani nukissaqarluarniassagama eqqissisimasumik arpallunga aallartinnissara pingaaruteqarpoq.

Inuulluaqqusillunga Martin