Maanna Italiap qaqqaasa ilaanni 1800 meterinik portussussilimmi sungiusarfimmi sungiusarnera ingerlappara. Sochimi OL-imi ujakkaarluni unammiuarnerit 1500 meterinik portussusilimmi ingerlanneqassapput, taamaattumik silaannartakitsumi unammiuaarnisssamut piareersarluarsimanissaq pingaaruteqarluinnarpoq.

Qaammatit kingulliit marluk ingerlaneranni sapaatip akunnerini tallimani 1500 meterinik portussusilimmi najugaqarama piareersimalluarpunga. OL-ip aallartinneqarnissaata tungaanut portusuumi najugaqarnissara pilersaarutaajuarsimavoq. Nunatsinniillu aningaasaliissuteqarluartut pissutigalugit tamanna piviusunngorsinnaasimavoq, Schweizimimi Davosimi sapaatip akunnerini sisamani najugaqarluni akikinngilaq.

Maassakkorpiaq Italiap illoqarfeeraasa ilaanni Misurinami najugaqarpunga. Aputeqarluarpoq. Allaat aput meterinik marlunnik portussuseqarpoq, qaqqat portupput mamarluinnartunillu italiamiut nerisassaannik peqarluni. Ukiamiit maannamut kiilunik marlunnik oqilivunga. Oqinnerusutut misigaanga OL-imilu unammiuarnerni sukkasuumik arpannissannut pisareersimasorujussuartut misigisimallunga. OL-imi 50 km-imik isorartutigisumik arpalluni ulloq unammiffissaq kingulleq qilanaarinerpaavara.

Inuulluaqqusillunga Martin

Asseq