Tuluit nunanut allanut unammiartortartui nuannerluinnartut eqqissisimalluinnartullu peqatigalugit Italiami sungiusarluarlungalu piareersarluarpunga. Taakkunani piukkunnaateqarluarnerpaaq sapaatip akunneri arlalialuit qaangiuttut Norgemi pissartanngorniummata ajugaavoq, sungiusaqatigalugulu iluaqaaq.

OL-erfissatsinnut apuuteqqammerama sungiusarpallaarnanga ullut tulliuttut eqqissillunga atussavakka. Eqqissisimaareeruma piukkunnarseqqinnissara qularinngilluinnarpara. Illoqarfeeraq OL-erfissarput qaqqami 1400 meterinik portutigisumiippoq. Ullukkut seqinnarillunilu kiattarpoq, unnualli ingerlanerani 10 gradit missaanni issittarluni. Inissiani nutaggarinni najigaqarpugut, nerisassallumi naammagittaalliuutissaanatik. Taamaakkaluartoq tuttup, puisip imaluunniit umimmaap neqaanik nerisinnaanngilagut.

Inuulluaqqusillunga Martin

Asseq