Royal Greenlandip kapisilinnik tunisassiaatai norgemiut tukertitaannik tunngaveqarnerusuupput, Kalaallit Nunaannilu tunisaasartut ukioq manna kapisilinnit nujuartaneersunit nunattta imartaaneersunik ilaneqassapput.

Kapisilinnit nujartanit tunisassiat tassaasussat kapisillit ilivitsut qerisut aammalu uulliat Kalaallit Nunaat tamakkerlugu niuertarfiit qerititsiviini ungasinngitsukkut pisiarineqarsinnaalissapput.

Tunisassiorfinnut tulaassorneqarsinnaasunit 35 tonsiusunit 8-10 tonsit missaanniittut Royal Greenlandimut ukioq manna tulaanneqarsinnaassapput, suliffeqarfik kapisilinnik norgemiut tunisassiaannik suli peqarmat aammalu kapisilittarineqarsinnaasut Kalaallit Nunaanni taamaallaat tunisassiarineqarsinnaatitaammata taamalu avammut annissorneqaqqusaanatik.

Kangaamiuni Atammimmilu tunitsiviit aammalu Nuummi tunisassiorfik kapisilinnik tulaassuivissatut toqqarneqarput.

Nunaqarfiit marluk Nuullu kisimik tulaassuivissatut toqqarneqarneqarnerannut pissutaavoq taakkunani taamaallaat kapisilinnik ataasiakkaanik qerititsisoqarsinnaammat.

Kapisillit Royal Greenlandimi tunisassiassat annerpaataasa tulleraat 550 millioner koruunit nalinginut pisisoqartamat tunisassianngorlugit kapisillit 20.000 tonsit sinnerlugit.

Allattoq: kaha@royalgreenland.com

Asseq: Toqqorsivimmit

Asseq

 
 

Royal Greenland aperiguk

i
Write the text from the image