Uummannami tunitsiviup kantiinaani aqutsisoq, Juliane Therkildsen, suliaminut tunngasumik ilisimasaminik pisinnaasaminillu annerusumik ilisimasaqalersimasutut allagartartaarpoq. Tassami mamartuliornermut pikkorissarneq akunnernik 40-nik sivisussusilik ineriikkanillu iffiornermut pikorissarneq akunnernik 80-imik sivisussusilik naammasseqqammeruttorpaa.

- Julianep pikkorissareernermi kingorna pisinnaasaanut isumalluarpugut. Nutaanik ilisimasaqalersimanera tunitsivimmi aningaasatigut pitsaanerusumik aqutsisoqalernissaanut iluaqutaassasoq ilimagaara, soorluttaaq sulisut allanngorarnerusunik peqqinnarnerusunillu eqqiluisaarnerusumi piareersagaasunik nerisaqartalernissaat ilimagigiga, tunitsivimmi ingerlatsisoq Abia Thorsteinsen oqarpoq.

Mamartuliornermut pikkorissarnermit Juliane Therkildsen eqqiluisaartumi suliaasunik ullutsinni inuussutissanut tunngasut, inooriaatsimit nappaatinut tunngasut, oqimaappallaarnermut tunngasut, nerisassanut sapigaqartarnermut tunngasut, kalaaliminernik atuilluarnissamut tunngasut, kantiinami nerisaqarnermi politikkimut tunngasut il.il. maanna ilisimasaqarfigilerpai.

Ineriikkanik Bake off-inik taaneqartartunik iffiornermut pikkorissarneq nioqqutissanik ilisimasaqarnermik, tuniniaanermik sullissinermillu kiisalu eqqiluisaarnermik imaqarpoq. Matumani pikkorissartut ilinniartarpaat, qanoq isilluni pisariinnerpaamik bake off-inik tassa ineriikkanik iffiukkanik soorlu iffianik iffiaq-qaqortunillu qalarlaanik wienerbrødinillu pitsaanerpaamik sassaalliisoqarsinnaanersoq.

Asseq

 
 

Royal Greenland aperiguk

i
Write the text from the image