Uummannami Royal Greenlandip inuit immikkut ittumik sulilluarsimasut nersorniarlugit ukiuni kingulliunerusuni koorinik juullerpaluttunik nerisassanik imalinnik tunisarpaat.

- Ullumi 19. december 2012 koori juullerpaluttunik nerisassanik imalik Ulloriaq Løvstrømimut, maanna soraarnerusumut Uummannamilu ukiorpassuarni borgmesteriusimasumut tunniupparput. Ulloriaq Løvstrøm 76-inik ukiulik ukiorpassuarni sullarilluni Uummannami borgmesteriuvoq, maannalu ukiut arlerlugit soraarnerusimalluni. Ulloriaq borgmesteriunermi saniatigut kultureqarnermut tunngasunik peqatigiiffinnilu assigiinngitsuni suliniuteqartarsimavoq.

- Ukioq kingulleq 2011-mi koori juullerpaluttunik nerisassanik imalik 82-inik ukiulimmut, taamaalillunilu Uummannami utoqqaanersamut Bibiane Møllerimut tunniupparput. Bibiane ukiorpassuit Uummannami peqqinnissaqarfimmi sulisimavoq. Taamatut koorimik juullerpaluttunik nerisassanik imalinnik nersorinnilluni tunisisarneq ileqquulersipparput, Abia Thorsteinsen, Royal Greenlandip Uummannami tunisassiorfiani ingerlatsisoq oqaluttuarpoq.

- Koorinik juullerpaluttunik nerisassanik imalinnik pajulersilluta oqaqqaartarsimanngilagut, taamaammat pajutagut tupaallallutik nuannaarlutillu qujamasussimapput, Abia Thorsteinsen naggasiivoq.

Asseq

 
 

Royal Greenland aperiguk

i
Write the text from the image