Royal Greenlandimit aamma Kalaallit Nunaanni Timersoqatigiit Kattuffiannit aningaasanik tapersiinermut isumaqatigiissut 2013-mut attuuttoq atsiorneqarpoq.

- Royal Greenlandip meeqqat inuusuttullu peqqissuunissaat siunertaralugu specialforbundit suliniuteqarnerinut tapersiisinnaagami nuannaarutigaa, oqarpoq Mikael Thinghuus, Royal Greenlandimi pisortaaneq.

- Royal Greenlandip ukioq 2013-imut nammineq kajumissuseq naapertorlugu timersornermik ingerlatsinermut 200.000 koruuninik tapiinera assut Kalaallit Nunaanni timersornermut iluaqutaavoq. Taamaalillutik namminneq kajumissusertik naapertorlugu sunngiffimminni timersornermi meeqqanik inuusuttunillu sullissisut tapersersorneqarput. Meeqqat inuusuttullu timersorneq aqqutigalugu imminnut peqqissumik attaveqatigiilertarput, oqarpoq Finn Meinel, Kalaallit Nunaanni Timersoqatigiit Kattuffiata siulittaasuata tullia.

Royal Greenlandip tapiinermini erseqqissaatigaa Kalaallit Nunaanni Timersoqatigiit Kattuffianit aningaasat meeqqat inuusuttullu peqqissuunissaat siunertaralugu specialforbundit suliniuteqarnerinut atorneqassasut.

Specialforbundit tassaapput – Isikkamik arsarneq, Assammik arsarneq, Arsaararneq, Nerrivimmi arsaararneq, Taekwon-do, Ski, Qajaq, Arctic Sport aamma Volleyball.

Asseq

 
 

Royal Greenland aperiguk

i
Write the text from the image