Uummannami tunisassiorfimmi iikkat nutaanngilisimaqisut ulluni makkunani piiarneqarput. Piiaaneq decembarip 14-ianili ingerlanneqalerpoq, sulisullu 54-it angerlartinneqarallarput, aammalu qaleralinnik tunisassiorneq unitsinneqarallarluni.

Tunisassiorfiup iluani iikkat kukkusumik qallersorneqarsimammata iluarsarneqartussanngorput. Iikkallu piiarneqarmata oqorsaatit iikkallu iluata imermik innarlerneqarsimanerannik peqquteqartumik qisuit aasut takuneqarsinnaalerput.

Iikkat iluarsarneqarneranni qaleralinnik tulaassuineq ingerlaannassaaq, taamaattorli decembarip 20-aniit 2013-imi januaarip 2-ta tungaanut unikkallartinneqariarluni ammaanneqaqqissaaq. Qalerallit tulaassukkat kingusinnerusukkut tunisassiassatut qeritinneqarput.

Tunisassiorfimmi tunisassiorneq pilersaarutit naapertorlugit januaarip 7-ani 2013 aallarteqqinneqassaaq.

Asseq

 
 

Royal Greenland aperiguk

i
Write the text from the image