Tobias qaammatini kingullerni 18-ini Royal Greenlandimi Group Supply Chainimi ilinniagaqartutut ikiortitut sulivoq Operations & Sypply Chain Managementimik Aalborg Universitetimi kandidatinngorniarnermi saniatigut. Tobiasip Group Planningimut ingerlaavartumik nalunaarsuisarneq isumagisarisimavaa. Ilanngullugu Tobiasip universitetimi ilinniartuuterput alla Mads Granlie peqatigalugu Japanimi toqqorsivik aamma assartuinermut pilersaarusiorneq pillugit immikkoortunik misissueqqissaarnerit aamma suliarai.

Ilinniarnerminut atatillugu Tobias 3. semesterimi ilinniarnerminut atatillugu namminneq suliffimmi toqqakkamini sulinissamut periarfissaqarpoq. Royal Greenlandimik isumaqatigiissut suliarineqarpoq.

Group Supply Chain Manager Michael Riis oqarpoq:

- Tamanna tulluaqqissaarpoq. Tobias misissueqqissaarneq pitsaalluinnartoq suleqataaffigaa, maannalu nammineq peqataassaaq suliniut nangillugu suliaqarnermi aamma piviusunngortitsinermi. Tokyomi suleqatigut ulluinnarni tuniniaanermik ingerlatsinermik ulapputeqartartuupput sulisinnaasumillu allamik suleqateqarsinnaalluarlutik. Suliniutip ingerlanneratigut uagutsinnik aamma Tobiasimik piginnaanngorsaasoqassaaq.

Tobias oqarpoq:

- Isumaqarpunga Royal Greenland amerlasoorpassuartigut suliffeqarfiusoq pissanganartoq, nuannaarutigaaralu Tokyomut aallartitaanissamut periarfissinneqarama. Naatsorsuutigaara tappavaniinnera pissanganartuussasoq, unamminartuulluni aamma ilikkagaqarfiussasoq, ilinniakkatigut uanga imminut misiligarnissamut periarfissaqarfigissallugu, kisianni aammattaaq inuttut.

Mads Granliep aammattaaq ungasissumut aallarnissi toqqarsimavaa. Taanna Brasiliamukassaaq Aalborg Universitet, Brasiliami universitet aamma Brasiliami suliffeqarfiit peqatigalugu akademiskimik allaaserisaqassalluni.

Asseq

 
 

Royal Greenland aperiguk

i
Write the text from the image