Ininik pisariaqartitsineq ilaatigut Nuummi qullersaqarfimmi amerlanerusunik atorfinitsitsinermik aammalu sulisut nerisarfigisinnaasaannik sulisut ulluinnarni imminnut aamma qaninnerulernissaannut atorneqartussamik pisariaqartitsinermik pissuteqarpoq. Ullumikkut sulisut 50-it sinnilaarlugit amerlassusillit illorsuarmi quleriiaanut siassimasut immikkoorlutillu ullup qeqqasiortartut ulluinnarni imminnut attavigiippallaartanngillat.

Qullersaqarfimmi atorfinittut amerliartornerat ilutigalugu inissaaleqineq erloqinarsiartuinnarpoq. Qullersaqarfimmi immikkoortortat ilaasa allamut nuunneqarsinnaanerannik periarfissat arlallit eqqartorneqarsimapput, soorlu illoqarfiup qeqqanut allaffeqarfiit ilaannut.

Qullersaqarfiulli nammineq illutaani periarfissat aamma misissorneqarsimapput, taakkulu suliffeqarfimmut iluaqutaasinnaasut maanna paasineqarpoq, taamalu sulisut avissaartuunnissaat pinngitsoorneqarsinnaalluni.

Sulisut nerisarfissaattut naatsorsuutigineqartoq aamma katerinnerni, soorlu sulisut ataatsimiisinneqarneranni assigisaannilu atorneqartarnissaa takorloorneqarpoq. Ullumikkut sulisut torsuusami takkajaami ataatsimiisinneqartarput, qullersaqarfiup ataatsimiittarfii inikippallaaqimmata.

Init alliliiniarnermi atorneqarsinnaasut pisiarineqarsinnaanerannut tunngasoq kommunalbestyrelsimi aggustusip naalernerani oqallisigineqassaaq.

Allattoq: kaha@royalgreenland.com
Asseq: jder@royalgreenland.com

Asseq

 
 

Royal Greenland aperiguk

i
Write the text from the image