Nuummi qullersaqarfimmi sulisut 50-it missaanniittut ipertinneqarsinnaasunik atisallit aaqqasersorsimasullu illoqarfiup qeqqani katersortarfiup aamma Hans Egedep Oqaluffiata eqqaani kiisalu Puulukip Nuuani qullersaqarfiup eqqaani ersareqalutik CSR-ip ullormi saliisitsinerani silami eqqakkanik assaannarmik katerseqataapput.

Royal Greenlandip avatangiisigissaaneq eqqartueqataaffigerusuttuaannarpaa, suliffeqarfiummi pingaartippaa nunami nunap pisuussutaanik inuuniuteqarfiusumi siuarsaaqataassalluni.

- Nunap annersaani imartaanilu susassaqartuulluni pingaaruteqarpoq tunisassiornitsinni aalisartarnitsinnilu pinngortitamik sunniisinnaanitta minnerpaaffianiititsinissaq. Inuussutissarsiummik Kalaallit Nunaannut pingaarutilimmik aallussiniarnitsinni avatangiisinik sapinngisamik innarliinaveersaarluta sulisinnaarusuppugut, Lisbeth Schønemann-Paul Royal Greenlandimi CSR-imi akisussaasoq oqarpoq. Nangipporlu:

- Suliniuteqarnitsigut sulisut suliffeqarfimmi inuussutissaleriffiusumi avatangiisigissaanernik pingaarutilinnik assigiinngitsunik, soorlu eqqagassalerinermik, kallerup inneranik aamma imermik ileqqaarniarnermik sungiusarusuppagut, taamaasillutalu avatangiisit pillugit ilisimasaqarnerulernissaat qanorlu suliniuteqarsinnaanerat annertusarlugu. Taamatut ilisimasaqarnerulersitsinikkut siunnerfeqaqatigiittut iliuuseqariarsinnaanikkullu paaseqatigiittoqarluni suleqatigiittoqarsinnaalissaaq. Kalaallit Nunaanni ataatsimoorussaqarluni suliniuteqarneq aamma tapersersorusupparput, kingunerisinnaasaalu siaruaatilertorsinnaasut upperaarput. Kisimiilluni suliniarneq ajornarnerusarpoq, Saligaatsorlu aqqutigalugu suliffeqarfiit suliniuteqarniarnerisigut suliniuteqarniarnitsinni tapersersorneqarsinnaavugut.

Allattoq: kaha@royalgreenland.com

Assit: jder@royalgreenland.com

Asseq

 
 

Royal Greenland aperiguk

i
Write the text from the image