Nuummi qerinasuartitsiviit pingasunik ilasat, Narsami qerinasuartitsiviit marlunnik ilasat Paamiunilu maskiinat saarullinnik tisaasartut nutaat ulluni makkuni ingerlalluataalereerput. Qerinasuartitsiviillu allat nutaat marluk Qeqertarsuatsiaani augustip aallartisimalernerani atulerpata Royal Greenlandip saarullitsigut piorsaanera kinguneqarlualerumaarpoq.

Nutaatut Paamiuni maskiinamik tisaasarfimmik pilersitsisoqarpoq, tassanilu tisaanik amertalinnik ameqanngitsunillu tunisassiortoqalerpoq. Tamanna Royal Greenlandimi iliuusissatut pilersaarusiaq naapertorlugu nunatsinni tunisassianik naleqartitsinerulernissamik anguniagaasoq maanna piviusunngortinneqarpoq. Tunisassiat Tuluit Nunaannut pingaarnertut nassiunneqartarput ilaallu Nuummi tunisassiorfimmi panertuliassatut nassiunneqartarlutik.

Tisaasarfik juunip sisamaani atuutilersoq Paamiuni sulisunik 30-40-nik suliassaqartitsissaaq.

- Ataavarnerusumik sulisitsisinnaalernerput assut malugusunnarpoq. Siornatigut assagiarsunniat sila ajortillugu aallarsinnaajunnaaraangata sulisut angerlartiinnartariaqartaratsigit, maannali sulisut novembarip decembarillu tungaanut allaat sulisissinnaassavagut. Iluaqutaangaatsiartussaavorlu aalisakkerisut saniasigut sulisunik allanik, soorlu kantinamiunik eqqiaasunillu ilasisinnaassagatta. Taamaammat tisaavittaarneq iluaqutaalluartussaavoq, aamma illoqarfimmut, tunisassiorfimmi ingerlatsisoq Pele Nathansen oqarpoq.

Asseq

 
 

Royal Greenland aperiguk

i
Write the text from the image