Ningittagarsorsinnaalernissamut allannguineq piffissami maj-oktober Nuup Amutsiviani ingerlanneqarpoq. 79´-rip raajarniarnermut atortui saarullinnut, qaleralinnnut aalisakkanullu allanut ningittakkersuutinik nutaanik taarserneqarsimapput.

Kilisaateeqqap qaavani pisanik sullivia aamma allanngortinneqarpoq. Atortut nutaaliaasut Aluk-p nutaamik siunertaanut tulluussagaasimapput, Savalimmiunilu Oil Windimit suliaritinneqarsimallutik pisiarineqarsimallutllu.

- Aalisariut Aluk ningittakkersuutinik ikkussuiffigineqarsimavoq ulloq unnuarlu 12-15.000-t qarsorsat atorlugit aalisarsinnaasunngorlugu. Aalisaqqaartalerutta naatsorsuutigaarput qarsorsat 8.000-t missaat atorlugit sisamat-tallimanik inuttalerluta ulloq unnuarlu aalisarsinnaassalluta. Maannalu Kujataanut aalisariannginnitsinni kilisaateeqqap motoria Nuup kangerluani misilerarparput aaqqissoqqillugu, Ole Petersen, Royal Greenlandimi ingerlatsinermi aqutsisoq oqaluttuarpoq.

- Aluk piffissami siullermi saarullinniarlunilu qaleralinniassaaq, qaleranniarnerli aallunnerullugu Narsap avannaanit Ikerasassuaq tikillugu sinerissap qanittuani aalisartassaaq. Narsap tunisassiorfianut tulaassuissaagut, tassa Narsap tunisassiorfia aalaakkaasumik aalisakkanik tulaassuivigisalerusukkatsigu, Ole Petersen nangippoq.

Narsami tunisassiorfiup qerititsiveqarfia allineqarpoq, 2012-imi marlunnik qerinarsuartitsivinnik ilaneqarmat, taamaalilluni 600 tons tikillugit qerititsisinnaalerluni.

Aluk Kujataani marsimi sikorsuaqalernissaata tungaanut aalisassaaq, kingornalu Paamiut Nuullu avannarparterfigissavai aamma aalisarfigissallugit. Aammattaaq eqqarsaataavoq Aluk Tunup kujataata-tungaani kangerluit saarullinnik qaleralinnillu kingusinnerusukkut misileraalluni aalisariarfigissagai.

Kilisaateeqqap atertaava inuttat nammineq aalajangiussimavaat.

Allattoq: Bula Larsen, bula@royalgreenland.com
Assiliisoq: John David Eriksen, jder@royalgreenland.com

Asseq

 
 

Royal Greenland aperiguk

i
Write the text from the image