Tunisassiorfiup Glyngøremiittup ingerlanerliornera ilungersorluta ajunngitsumut pilersaarusiornertalimmik ukiut marluk sangusinniareerlutigu niuernermik ingerlalluartumik pilersitsisinnaasimanngilagut. Glyngøremi suliat ingerlanneqartut ingerlatiinnarneqarnissaannut periarfissanik isumaliuteqarluareerluta aalajangerneqarpoq, Glyngøremi suliat ingerlalluartut tunisassiorfimmut Aalborgimiittumut nuunneqassasut, tamatumani niuernermik ingerlalluartumik angusinissamut periarfissaq pitsaanerpaajummat.

Pilersaarut naammassineqassappat aalajangersimasumik aningaasartuutigisartakkavut malunnartumik ikilerujussuassapput, tamannalu suliassanut pineqartunut atatillugu unammillersinnaassusitta pilersinneqaqqinnissaanut pingaaruteqarluinnarpoq.

Glyngøremi tunisassiorfik atorfilinnik akunnermusialinnillu 65-iusunik sulisoqarpoq, sulisullu affai Aalborgimut nooqataanissamik neqeroorfigineqassapput. Sinneri ingerlariaqqinnissaannut tapersersornissaannik neqeroorfigiumaarpavut.

Soraarsitsisoqarnissamut pilersaartoqarneranut atatillugu atorfillit akunnermusiallillu eqqugaajumaarput.

Tunisassiorfiit kattunneqaratarsinnaaneranni suliat ingerlanneqartussat najoqqutaralugit soraarsitassanik toqqaanerit ingerlanneqarumaarput.

Isumaqatigiissusiornerit novembarip naanerani 2012-imi naammassineqarnissaat naatsorsuutigineqarpoq. Aalborgimi kattussisoqassappat naatsorsuutigisat naapertorlugit nuunneq januar 2013-imiit poorskip kingorngata tungaanut piumaarnissaa ilimagineqarpoq.


Allattoq: Ulla Skibsted
Asseq: Toqqorsivimmit

Asseq

 
 

Royal Greenland aperiguk

i
Write the text from the image