KNAPK Royal Greenland A/S-ilu Uummannap aqutsisoqarfiani qaleralinnik tunisinermi akit minnerpaaffissaannik marlunnik ippassaq ataasinngornermi novembarip 12-ani 2012 isumaqatigiissuteqarput. Akit ataani taaneqartut isumaqatigiissutip atsiorneqarneraniit atuutilissapput:

Qalerallit angisuut 3,5 kg-niit qummut tunisinermi
akeqassapput 17,00 kr./kg.

Qalerallit mikisut 1 kg-miit 3,5 kg-t tungaannut tunisinermi akeqassapput 11,50 kr./kg.

Isumaqatigiissummut ilanngullugu bonusisarneq Uummannap aqutsisoqarfiani KNAPK-mi ilaasortanut tamanut atuutilersinneqassaaq, bonusiaqartitsinerlu atuutilersinneqassaaq siorna tunisat 4.700 tonsiusut anguneqarpata.

Annertunerusumik paasisaqarusuttuni Royal Greenlandimi tunisassiornermi pisortaq Lars Nielsen, mobilnormu + 45 22 24 83 62 aamma KNAPK-mi siulittaasoq Leif Fontaine, mobilnormu +299 55 11 34 attavigineqarsinnaapput.

Allattoq assiliisorlu: Káte Hansen, kaha@royalgreenland.com

Asseq

 
 

Royal Greenland aperiguk

i
Write the text from the image