Suliffeqarfiit, peqatigiiffiit inuillu ataasiakkaat WOC suleqatigiiffittut ataatsimoorfigisuuaat, immamilu avatangiisit pillugit ataatsimoorluni iluarsiissutaasussamik ineriariartortitsinissamut immamilu piujuartitsinissamut atatillugu inuussutissarsiornermi unammillernartut pillugit ataqatigiissaarinissamut katersuuffiulluni. WOC-mi immat pillugit oqallittoqartarpoq, tassanilu piujuartitsinissa q pillugu politikki ingerlatsinerillu oqallisigineqartarput apeqqutillu pingaarnersiukkat ataatsimoorluni suliniutigineqapallattarlutik. Suliffissuit arlallit WOC-mi sinniisuutitaqarput – umiartortut, uuliamut gassimullu tunngasunik suliaqartut, aalisartut, nukimmik ataavartumik (anorip -, mallip- aamma ulittarnerup tinittarnerullu nukinginik) suliaqartut, umiarsualivinni sulisartut, kabelinik aamma ledninginik suliaqartartut.

Katersuuffik asseqanngitsoq immat pillugit ilisimasatsinnik pitsanngorsaanissamut, suliniutinik piujuartitsinermik siunertalinnik tapersersuinissamullu qularnaarinissamut, avatangiisinut tunngasunik akisussaassuseqartumik aqutsisinnaanissamut inunnik peqataasunillu ilinniartitsinissamut kiisalu avatangiisit pillugit unammillernartunut atatillugu iluarsiissutissanik ilisimatusarnermik tunngaveqartunik ineriartortitsinissamut suliniuteqarput, suliniuteqarfiillu ingerlatsiviup suliffissuulluunniit ataatsip kisermaallugit iluarsiissuteqarfigisinnaanngilai.  Unammillernartut makkuusinnaapput: Uumasut pissuseqatigiiaat sumiiffissarinngisaminiittut*, nipiliornerit immamilu miluumasunut qaarsuminernullu sunniutaasinnaasut.

- Royal Greenland WOC-imi ilaasortanngornermigut attuumassutilinni ataatsimeeqataasinnaalerlunilu piujuartitsinermik tunngaveqarluni immanik atuinissat pillugit suliffissuit sinniisuinik oqalliseqateqarsinnaalissaaq aammalu soorlu uuliasiornermi suliffissuit immap naqqa pillugu mianerinninniarnerat qillerisoqannginneranilu milisiinerit suut ingerlanneqartarnersut ilisimasaqarfigilernissaannut periarfissaqalissaaq, Lisbeth Schönemann-Paul oqarpoq.

Kalaallit Nunaanni immap naqqa pillugu ilisimasat amigarput, suliffissuillu allat peqatigalugit paasissutissanik avitseqatigiinnermi suliniutinilluunniit suleqatigiilluni ingerlatsinermi ilisimasat amerlisinneqarnissaannut periarfissaqalertoqarsinnaavoq.

Paasissutissanik amerlanerusunik piniaruit nittartagaq una alakkaruk: http://www.oceancouncil.org

*Uumasut pissuseqatigiiaat sumiiffissarinngisaminiittut taaguutaavoq nutaajungaatsiartoq imalu paasisariaqarluni; naasut uumasullu pissuseqatigiiaat ilaat nunarsuarmi sumiiffiit ilaaninngaannit summiiffimmut allamut inunnit nuunneqarsimasut nuunneqarsimanerallu peqqutaalluni sumiiffigilersimasaminni pissuseqatigiiaat allat sumiiffissarisaminniittut ajoqutaasumik sunnertarpaat.

Allattoq: Ulla Skibsted

Asseq

 
 

Royal Greenland aperiguk

i
Write the text from the image