Meeqqat inuusuttullu 13-it avannaani nunaqarfinnit pingasuneersut sapaatip akunnerata naanerani avatangiiserinngisaminni isumasioqatigiisinneqassapput.

Royal Greenland Academyp ataani pikkorissartitsinerit aallartilluarput, meeqqallu Niaqornaarsummeersut, Ikerasaarsummeersut Kangaatsiameersullu sapaatip akunnerata naanerani Kangaatsiami isumasioqatigiisinneqassapput.

Royal Kids, tunisassiorfimmi sulisut meeraat pikkorissartitsisarnerni taaneqartarnerattut, meeqqanut pisinnaatitaaffiit pillugit avatangiiserinngisaminni eqqartuissapput, taamalu ulluinnarni atukkatik qimalaarlugit aamma misigisassarsiussallutik.

Royal Greenland Academy-mmi ataani pikkorissartitsisarnernik pilersaarusiortarnerit, 2012-imi ukiamiit 2013-ip upernaap tungaanut inersimasunik 350-t missaannik aammalu meeqqanik 164-inik peqataaffigineqartussat, imaannaanngitsuupput aningaasartuuteqarfiusarlutillu.

Aporfiusinnaasut ilaat silatusaarluni aaqqissuunneqartarput, taamaasilluni suleqatigiit nunaqarfinnit assigiinngitsuneersut naapillutik atukkaminnik eqqartueqatigiillutillu misilittakkatigut kaammattoqatigiissinnaasarput.

Meeqqat angajoqqaavi Royal Greenland Academyp ataani ulluni makkunani Kangaatsiami pikkorissarneqarput. Inuttut ineriartorneq, ilaqutariit aningaasaqarniarnerat aammalu nerisaqarneq pikkorissarnermi sammineqarput.

Tunisassiorfimmi sulisut 16-iusut Royal Greenlandip nunaqarfinni pingasuni tunisassiorfiineersuupput.

Allattoq: kaha@royalgreenland.com

Assit: Nukaaraq Eugenius

Asseq

 
 

Royal Greenland aperiguk

i
Write the text from the image