Tunisassiorfimmi ingerlatsisut arfineq pingasut aqutsisullu sisamat tunisassiornermi pisortat peqatigalugit tunisassiorfeqarfinni iliuusissanik pilersaarutit killiffiat, iliuusissaq nutaaq kiisalu pilersaarutit nutaat eqqartussallugit ullumi marlunngornermiit oktobarip 23-aniit sisamanngorneq 25-at ilanngullugu ataatsimeeqatigiissapput.

- Naak ullut tamakkerlugit oqarasuaatitigut attaveqatigiittaraluarluta ilungersunarnerusunik eqqartugassaqartillugu immitsinnut kiinnerluta ilaatigut naapittarnissarput pisariaqartarpoq. Matumani naapinnitsinni ilaatigut tunisassiorfinni iliuusissatut pilersaarutit eqqartorlugillu ataqatigiissaassavagut, pisortamut tullersorti Malik Hegelund Olsen oqarpoq.

Tunisassiorfinni ingerlatsisut aqutsisullu naapittarnerat ukiut tamaasa pisarpoq, tunisassiorfimmilu ingerlatsisut aqutsisullu suleqatigiinnerat pingaartumik pitsanngorsarniarlugu ataatsimiinnermik allamik ilaneqartarpoq.

Suliffeqarfiup immikkoortortaanit ulluni tulliuttuni saqqummiussisoqartassaaq, soorlu ilaatigut iliuusissanik pilersaarut, missingersuutit, naatsorsuutitigut nalunaarsuilluartarneq kiisalu suliffeqarfimmi attaveqatigiinneq eqqartorneqassapput.

Allattoq assiliisorlu: kaha@royalgreenland.com

Asseq

 
 

Royal Greenland aperiguk

i
Write the text from the image