Uummannap tunisassiorfiani tunitsivimmi aqutsisoq Peter Zeeb peqqiilliortalernini pissutigalugu oktobarip naanerani soraarninngorniarluni aalajangerpoq. Taamaasilluni suliffeqarfimmi ataatsimi ukiuni 46-ni sulisimanini naggasernialerpaa.

Peter Zeeb KGH-jusimasumi 1966-imi junimi sulilerpoq pisortatigoortumilli ukioq taanna juulip aallaqqaataani sulilerluni. Taamaasillunilu suliffeqarfimmi ataatsimi taarserartunik ateqarsimasumi, tassalu KGH, KTU, Proeks aamma Royal Greenlandimi sulisimavoq.

- Ukiut 46-t ukiorpassuupput, takussutissaavorlu qanoq sullivimminut ataqqinnissimatigisoq, inuimmi ukiuni taama amerlatigisuni sullivimmi ataatsimi sulisimasut amerlanngillat, Abia Thorsteinsen Uummannami tunisassiorfimmi ingerlatsisoq taama oqarpoq.

Peter Zeeb 1978-imiit 1986-ip tungaanut formandiusimavoq aammalu 1986-imiit 2000-ip tungaanut tunisassiornermi aqutsisuusimalluni. Tamatuma kingorna tunitsivimmi aqutsisunngorpoq ullorlu manna tikillugu suli taamatut sulilluni.

- Piffissami sivikikkaluami uanga suleqatigisimagaluarlugu qiimasuunera pissutigalugu maqaasinngitsoornavianngilara, aammalumi ukiorpassuarni suleqatigisimasaasa maqaasinngitsoornavianngilaat. Taamaattumik nulianilu suli piffissami sivisuumi ullunik pilluarnartunik atugaqarumaarnissaannik kissaappagut, Abia Thorsteinsen oqarpoq.

Allattoq: kaha@royalgreenland.com

Asseq: Abia Thorsteinsen

Asseq

 
 

Royal Greenland aperiguk

i
Write the text from the image