Tuluit Nunaanni niuertarfissuit annerpaartaasup ASDA-p Royal Greenlandip saarullinnik tunisassiai nutaaliasut aasap ingerlanerani nioqqutigilerpai; saarulliit saaneeraajakkat ameqanngitsut sød chilisaucemik kiisalu hvidløgimik aamma naasunit akuutissanik mamarsaasikkat. Nioqqutigineqarnerilu ingerlalluarput. Ataasiakkaanik nioqqutissanik tuniniaanermi ingerlatsisoq Tony de-Lacy oqarpoq:

- ASDA-p tunisassiat naammagisimaartorujussuai, tunisassiallu pineqartut niuertarfiutimini niuertarfissuaatiminilu tamani nioqqutigilersimallugit.

Ineriartortitsinermi immikkoortortaq, Niuernerup tungaatigut ineriartortitsinermi aamma nittarsaassineq pillugu paasissutissiinermi immikkoortortaq Koszalinimilu tunisassianik immikkoortiterisartut suleqatigiillutik tunisassiat pineqartut pilersinneqarnissaannut isumassarsipput, Tony de-Lacyllu isumassarsiaq tusaramiuk

ASDA-mut ilisimatitsissutigaa. Tony aamma Tunisassialerinermi ingerlatsisoq Gabriela Gawel ASDA qanimut suleqatigalugu tunisassiat pineqartut pillugit nittarsaassinermik ineriartortitsipput, piffissamilu qanittumi tunisassianik aamma mamarsaasikkanik nioqquteqartoqalissalluni; tassa red thaimik mamarsaasikkat.

Ineriartortitsinermi immikkoortortaq, Niuernerup tungaatigut ineriartortitsinermi aamma nittarsaassineq pillugu paasissutissiinermi immikkoortortaq aamma Koszalinimi tunisassiorfik suliniut ”Tour de Koszalin”-imik taaguuteqartoq maanna aallarteruttorpaat, matumani suliniuteqarnermi aqutsisumit Maureen Sørensenimit aqunneqarluni. Saarullinnillu mamarsaasersukkanik tunisassiavut kiisalu tunisassiornermilu najoqqutavut nutaat najoqqutallu ineriatortitavut ingerlatseqatigiiffinnut tuniniaanermik suliaqartartunut saqqummiunneqarumaarput.

- Naak unammilleqatigiinnerup tungaatigut pissutsinik ilungersunartunik nalaataqarnerput pissutigalugu nutaanik nutaaliorfiusunik tunisassianik saqqummiussineq unammillernartoqangaatsiaraluartoq Tuluit Nunaanni niuernermi tunisassianik iluatsilluartumik nioqqutaalereersunik saqqummiussisinnaagatta tulluusimaarutigaarput, Maureen oqarpoq.

Allattoq: Ulla Skibsted

Asseq

 
 

Royal Greenland aperiguk

i
Write the text from the image