Royal Greenlandip periuutsit nalinginnaasuunngitsut atorlugit aasaanerani sulisussaaleqisarneq akiorniarlugu aasaanerani sulisussanik - angalanerannik akiliunneqarlutillu inissaqartinneqarumaartunik – pissarsiulerpoq.

Paamiuni, Qasigiannguani kiisalu Uummannami nunaqarfiinilu Ukkusissani, Nuugaatsiami Ike-rasammilu tunisassiorfinni sulisussat katillugit 68-it sulisussarsiariniarneqarput.

- Royal Greenlandip kommunit sisamat suleqatigalugit aasaanerani sulisussanik 68-inik illoqarfinni nunaqarfinnilu pineqartuni tunisassiorfinni sulerusussinnaasunik sulisussarsiulerpoq. Sulisussarsiarineqartut angalanerannik akiliunneqassapput najugaqarfinnilu atortorissaarutitalinni, soorlu errorsiveqarlutillu igaffeqarlutillu isiginnaaruteqarlutillu assigisaannillu atortorissaarutilinni najugaqartinneqassapput, aammalu suliffimmi pitsaasunik atugaqartinneqassallutik, Sulisoqarnermi Pikkorissaanermilu ingerlatsisoq Søren Olsen Damgaard oqarpoq.

Royal Greenlandip Uummannimi nunaqarfiinilu sulisunik 28-nik, Qasigiannguani 15-inik kiisalu Paamiuni 25-nik atorfinitsitsinissani pisariaqartippaa. Kommunini paasiniaanerit neriunartoqarput, aaqqissuisullu neriulluarput.

- Sulisussarsiornitta inerneriumaagaanik apriilip naalernerani paasisaqarnissarput naatsor-suutigaarput, neriuutigaarpullu illoqarfinni nunaqarfinnilu pineqartuni innuttaasut arnanik angutinillu suliartortunik taamalu aasaanerani sulisussaaleqinermik akiueqataarusullutik suli-artortunik tikilluaqqusinissaat neriuutigaarput, Søren Olsen Damgaard oqarpoq.

Annertunerusumik paasisaqarusuttut Sulisoqarnermut Pikkorissaanermullu ingerlatsisoq Søren Olsen Damgaard, tlf. 36 13 14 imaluunniit mobilnormu 54 75 87-imi pissarsiariniarsinnaavaat.

Asseq

 
 

Royal Greenland aperiguk

i
Write the text from the image