Aalisartut Saattormiut Uummannarmiullu arlaqaaluttut påskip aappaanili ullumimut 3. april palitsit 100-it Saattunit Uummannamut sikukkut assartorpaat, Saattuni qerititsivissuup ulikkaartoornera pissutigalugu.

- Ullumi tallimat missaanni Saattuniit kingulliugallartut aallassapput, aqagu 4. april sila sikulu ajunngippata aamma assartuiumaarput. Tunisassiat assartorneqarnerat kiilomut akilertarpagut. Aalisartut qamuteralaat qamutillu kalitatik namminneq pigivaat, oqarpoq Abia Thorsteinsen, Uummannami tunisassiorfimmi ingerlatsisoq.

- Qalerallit ineriikkat tunisassiat assartorneqartut Uummannami qerititsivimmut toqqorneqassapput, umiarsuarmik aallarunneqarnissaata tungaanut. Ilimagaarput kingusinnerpaamik junip 3-ani umiarsuaqarumaarluta, naggasiivoq Abia Thorsteinsen.

Saattuni qerititsivik imaarpat aalisartut sikumi ningittakkersoqqissinnaalissapput tuniseqqissinnaanngorlutillu. Saattuni Pilersuisup ittua aamma Uummannamut immunnik aallersimavoq.

Sikumi toorneeqqat marluk tassaapput aalisartut assartuisut.

Assartuineq iluatsillugu Saattuni Pilersuisup ittua immunnik Uummannamut aallersimavoq.

Allattoq:Bula Larsen

Asseq

 
 

Royal Greenland aperiguk

i
Write the text from the image