Saligut sanaava taamaallaat minutsimut imermik 6 literiinnarmik atuisarpoq, pingasunillu tissaluttunut assigiinngitsunut ikkuffissaqarluni.

- Pitsaaqutaasa ilagaat tunisassiorfinni eqqiaanermut atortumut højtrykspulimut ikkuteriaanaanera. Sanilliussissaguma kommuneni allani saligutit aalisartunit atorneqartartut minutsimut 20 literit atortarpaat ataasiinnarmillu ikkuffissaqarlutik, oqarpoq Niels Sakariassen, Narsami tunisassiorfimmi ingerlatsisoq.

Maannamut ukiut pingajussaa misiligummik aalisartitanut saligutaasinnaanera neqeroorutigalugu atorsimalerpoq, assullu aalisartunit iluarineqarluni. Misilittakkat najoqqutaralugit aalisartup qassutinut 20-nut saliguteqarani quajaatinik minguttoorsimatilluni ullut tallimat panersiinermut atortaraluakkani maanna ullup affaa atorlugu qassutinut suli masattunik saliisinnaasarpoq. Tamanna soqutiginarpoq agguaqatigiissillugu ullut 60-it missaannaat arnarlunniarneq ingerlasarmat.

- Saligut ineriartortitara amerlisarneqarsinnaappat takorloorsinnaavara sineriammi tunisassiorfiit taamaattumik pilersorneqassasut, tassami malitsigisinnaavaa: Qassutit ikinnerit atorneqassapput, aalisartitsineq ataavarnerusoq ingerlanneqassaaq, tunisassiallu amerlanerusinnaapput.

Aamma qassutinut puttaqutillinnut saligut anginerusoq sanasimavara, taannali suli atorneqanngilaq, naggasiivoq Niels Sakariassen.

Allattoq:  Bula Larsen

Asseq

 
 

Royal Greenland aperiguk

i
Write the text from the image