IFS-imik (International food standard) tassa nunat assigiinngitsut akornanni pitsaassuseq tunngavigalugu nakkutilliineq ajunngitsumik inerneqarmat nuussineq iluatsilluartutut taasariaqarpoq.

Sanaqqiinermit nutsernermillu tukak torersarneqatsiartoq poortueriaatsillu nutaat atuutilerniariartut IFS-imik nakkutilliisut Hirtshalsimi tunisassiorfimmut takkupput. Nakkutilliinermi poortuisarfittaaq aamma listeriaqalinnginnissaq anguniarlugu pujoorisarnerput naliliinermi qitiutinneqartut ilagaat.

Tunisassiorfimmi sulisut nuussinermut ikiuunnerminni suliarujussuat kinguneqarluarpoq, tassalu maanna qaffasissumik IFS-imik allagartaateqalerpugut.

Danmarkimi pitsaassusilerinermik ingerlatsisoq Lars Rønde oqarpoq: “Tamassi allagartartaaq pillugu pujoorivitsinnik nuussinermi suleqataasimasusi pilluaritsi, qujanarlu sulilluarsimanissinnut.”

Royal Greenlandip pujoorivittaani tunisassiorneq tunisinerlu annertusarumallugit ukioq manna siusinnerusukkut aalajangerneqarpoq Aalborgimi tunisassiorfitsinni pujuukkanik tunisassianik poortuisarneq Hirtshalsimi suleqatitsinnut Dan Salmonimut nuunneqassasoq, taannalu aamma tunisassiatsinnik pujoorisareerpoq.

Allattoq:ulsk@royalgreenland.com

Asseq

 
 

Royal Greenland aperiguk

i
Write the text from the image