Uummannami Royal Greenlandip ukiuni kingulliunerusunni utoqqaat soraarninngoreersut inuusunnerullutik immikkut ittumik inuiaqatigiinni sullissisimasut juullip qaammataani qujaniarfiginerat ileqqunngortissimavaa. Pavia Nielsen aamma Jonas Nielsen ippassaq 18. december 2013 Royal Greenlandimit pajunneqarput.

- Pavia Nielsen Uummannap kommuniani ukiorpassuarni KNAPP-imi siulittaasuusimavoq, kommunalbestyrelsemi ilaasortaasimalluni, ilagiillu sinniisaatut ilaasortaasimalluni. Maanna pisinnaatilluni suli aalisariartarpoq. 77-inik ukiulik Pavia Nielsen puussiamik Royal Greenlandimit aalisakkanik tunisassianik imalimmik tunisippoq.

- 73-inik ukiulik Jonas Nielsen ukiorpassuarni Maarmoriliup piiaaffiani sulisimavoq, aamma kommunalbestyrelsimi ilaasortaasimalluni. Uummannap mittarfiani soraarninngornissami tungaanut ingerlatsisuusimavoq. Maanna aasakkut takornarianik angallassisarpoq. Jonas Nielsen puussiamik Royal Greenlandimit tunisippoq juullimut igaassanik imalimmik. 

Pavia Nielsen aamma Jonas Nielsen ilaqutai ilanngullugit juullisiorluarnissaannik ukiortaamilu tamanik ajunngitsunik kissaappagut, Kirsten Jensen, Uummannap tunisassiorfiani ingerlatsisuugallartoq oqarpoq. 

Allattoq: bula@royalgreenland.com

Asseq

 
 

Royal Greenland aperiguk

i
Write the text from the image