Assammik arsaattartut sungiusaasuat Ingi Olsen nunaqqatini savalimmiormiuusut taamatuttaaq kilisaat Nataarnami inuttaasut sapaatiummat umiarsualivimmut ilassiartormagit assammik arsaattartut usingiaqataasinnaanerat isumassarsiarineqarpoq. Ilassinnikkiartornermini kilisaammi inuttanit paasitinneqarpoq, kilisaatip usingiarneqarnissaanut usingiaasussanik amigaateqarlutik. Ingi Olsen isumassarsiaqariaallannermini assammik arsaattartut sungiasartakkani peqatigalugit usingiarsituusinnaanini neqeroorutigaa.

- Klubbitsinninngaanneersunik usungiaasussarsivunga, matumani arnat angutillu assammik arsaattartut peqatigalugit marsimi apriilimilu Islandimukarnissara siunertarigakku. Usingiaaqataanitsigut taamaasilluta aningaasarsiulaarnissatsinnut periarfissaqalerpugut, usingiaaqataavugullumi. Taamaasilluni Nataarnaq marlunngornermi unnukkut avalagani ataasinngornermi unnukkut avalassinnaangorsimavoq. Pisariaqartitsisoqavitsillugu ikiutaasinnaalluni nuanneqaaq, Ingi Olsen oqarpoq.

Assammik arsaattartut arfinillit sapaatiummat unnukkut usingiaajartorlutik takkupput. Ullup tullissaani ataasinngornermi unnukkut assammik arsaattartut 15-it usingiaajartorlutittaaq takkupput, aammaartumillu sulilluaqaat. Arnat angutillu assammik arsaattartut pineqartut 18-it 25-llu akornanni ukioqarput.

- Kilisaammiinnitsinni nuannisavissorpugut, inuttallu sinneruttuusut isumagilluartupilussuuaatigut. Usingiaalluni pikkunalaavissorpoq, anusinngunngilagulli. Taamaasillutalu Islandimut angalanissatsinnut pilersaarutaareersumut aningaasanik katersilaarpugut – ataatsimullu isigalugu GSS-ip assammik arsaattartuinut misigisaqarfiulluarluni, Ingi Olsen tulluusimaarluni oqarpoq.

Allattoq: Káte Hansen, kaha@royalgreenland.com

Assit: GSS

Asseq

 
 

Royal Greenland aperiguk

i
Write the text from the image