TUUGAALIK tassaavoq; qilalugaq qernertaq angutiviaq.

Atuakkiortup Ivar Silisip 1985-imi atuakkiamini qilalugaq qernertaq Tuugaalimmik ateqartoq allaaseraa. Qilalugaq qernertaq miluumasuuvoq imarmioq kusanartorsuaq annerusumillu qaleralinnik nerisaqartoq. Sananeqaatimigut immikkuullarissuteqarpoq; matumani qaleralinnik narajullaqqillunilu pisaqallaqqissuugami. Tuugaallip oqaluttuassartaa pinngortitap mianernartup ataqqineqartussap paarilluarneqartussallu oqaluttuassartaanik aamma imaqarpoq.

Naak teknologiinik pitsaanerpaanik pigisaqaraluarluta aalisakkanillu pisaqarsinnaassuseqaraluarluta pinngortitamik paarinnilluarnissatsinnik ataqqinninnissuseqarnissatsinnillu oqaluttuaq eqqaasitsissusiivoq.

Umiarsuaatileqatigiiffik Qaleralik A/S, Ice Trawl Greenland aqqutigalugu Royal Greenlandip piginneqataaffigisaa, kilisaatip Manup kingoraartissaanik sivisujaamik ujarlerpoq.

Manu ukiuni pingasuni kingullerni Tunumi qaleralittassani aalisanngitsuuginnartariaqarsimavai, matumanilu qalerallit 5-6000 tonsit Tunup imartaani aalisartunut agguaateqqinneqarnissaat akueriinnartariaqarsimallugu.

Tamanna umiarsuaatileqatigiiffiup allanngortikkusuppaa, taassumallu saniatigut umiarsuaatileqatigiiffiup qaleralittassatik massakkumut sanilliullugu sukkanerusumik aalisarsinnaassagai ilimasuutigineqarpoq. Taamaasilluni Tuugaalik Tunup imartaani aalisakkanik natermiunik - soorlu makrelinik - aalisarsinnaanngussaaq.

Norskit kilisaataataat ukiunik qulinik pisoqaassuseqartoq toqqarneqarpoq. 25. februar 2013-imi Skagenimut tikissaaq, matumanilu Nunatsinni qaleralinniutitut, suluppaagarniutitut makrelerniuttullu atorneqarnissaanut piareertussanngorlugu tunisassiorfiata atortui assigiinngitsut allanik taarsersorneqassallutik.

Asseq

 
 

Royal Greenland aperiguk

i
Write the text from the image