Royal Greenland danskit aalisariutaat sisamat Østersøenimi oquutanik oquutaasanillu aalisartarnissaat pillugu januaarimi isumaqatigiissusiorfigaat Polenimilu Royal Greenlandimut toqqaannartumik tunisitittalerlugit, tamannalu assartuinerup tungaatigut aningaasartuutaasartut sipaaruteqarfigineqarnerannik kinguneqartussaassaaq. Isumaqatigiissuteqarnitsinni ilaavortaaq aalisagaasiviusussanik assartuinermilu atorneqarsinnaasunik kaarinik plastikkiusunik aalisariutinut tunniussinissarput, tamanna akitsorterussinermi karsit atorneqartartut atorlugit poortuinermit imminut akilersinnaaneruvoq matumanilu assartuinermi aningaasartuutaasartunut apparsaaqataalluni.

Pisiortornermi siunnersorti Peter Michael Gruhn oqarpoq:

- Isumaqatigiissut una aalisartunik toqqaannartumik niueqateqalernitsinnik kinguneqarpoq, tamannalu pissutigalugu aningaasartuutivut ikilipput taamatuttaaq aalisariutit aalisakkat tulaassortagaat tamarmik pissarsiarinissaannut ammaassisuulluni. Tunisassiassanik amerlanerusunik pilersorneqalernerput ilutigalugu Koszalinimi ukioq naallugu sukkanerusumik tunisassiorsinnaalernissarput aalisakkanillu amerlanerusunik pissarsiaqarlersinnaanissarput ilimagaarput.

Aalisariutit pineqartut ukiuunerani saarullinniarneq ileqqoraat, ukioq mannali saarulliit akii appasimmata allatigut aningaasarsioriaaseqalernissaannut periarfissippavut tamannalu ilutigalugu saarullittassatik piffissap sivisunerusup iluani aalisarsinnaanngussavaat. Aalisakkanik natermiunik saarullinnillu aalisarsinnaaneq aalisarnerup sivikitsup iluani aalisartut aalisagarpaalunnik pisaqarnerannik, orsussamik sipaarnerannik aalisariummilu inuttaqarsinnaanerannik kinguneqassaaq, matumanilu aningaasaqarniarnerat pitsaanerulissalluni.

Pisiortortartoq Michael Engbjerg, isumaqatigiissutinut akisussaasoq oqarpoq:

- Niueriaaseq nutaaq pineqartoq aalisartut aningaasaqarniarnerannut pitsaanerulersitsisuusoq piviusuuvoq, tamannalu ilutigalu aalisartut tamakkiisumik naapertuuttumillu sullippavut. Aalisariutit sisamat aallarniutigaavut, isumaqatigiissutilli ilassagivut ilimagaarput. Taamaattumik siunissaq eqqarsaatigalugu isumalluut nutaaq atuligarput isumalluarnarpoq.

Allattoq: Ulla Skibsted, assit: Royal Greenland

Asseq

 
 

Royal Greenland aperiguk

i
Write the text from the image