Tassani tunisassiorfimmit videomut immiussaq isiginnaartinneqarpoq, atisallu sullisigut assigiinngitsut saqqummersippagut. Aamma Finnip Gerthillu qalerallit qanoq tisaneqartarnersut takutippaat, laboratoriamilu sulisut atortutik takutissorpaat misilitsillugillu. Illoqarfiup innuttai taamatut qanoq assamminni bakteriaqartiginerlutik takunninnissaminnut periarfissinneqarput.

Aalisakkanit suppaliat assigiinngitsut , kalaallit kaagiat aammalu Larsenip aalisakkanik frikadiiliutai sassaalliutigineqarput.

Illoqarfiup innuttai soqutiginnilluarlutik aggiapput, unammisitsinitsinnilu apeqqutit akisassat qulit inuit pingasut eqqortumik akivaat. Lars Frederiksen, Elisabannguaq Frederiksen aamma Martine Jensen pilluaqquagut. Taakku ilaatigut kina Qasigiannguani Royal Greenlandimi sivisunerpaamik sulisuusimanersoq eqqorpaat. Meeqqat pingasut eqqortunik arfineq-pingasunik akisimapput.

Nuannersumik iliuuseqartitsinitsinnut sulisugut ikiuuttut qutsavigivagut.

Aalisakkanik frikadellilianut ilitsersuut aana:

600 g qaleraliup nerpia saaneqanngitsoq
300 g saarulliup nerpia saaneqanngitsoq (imaluunniit qeeqqap)
2 uanitsut
4 hvidløgip immikkoortui
Taratsut + qasilittut
1 alussaateeraq chili
Qajuusat
1 dl olivenolie

Aalisagaq aserorteruk, akussallu sinnerinik akullugu. Olivenoliemut siaguk.

Allattoq: Ole Vestergaard
Assit: RG Qasigiannguit

Asseq

 
 

Royal Greenland aperiguk

i
Write the text from the image